da I bosh di Celti

I.

Diu l’ha ciavâ chichinscì, sota ’n platan;

pö lé l’é curüü via, luntan dul su,

a nord. In chi ann là una storia,

un cuntinent, vignian al mond inscì,

e chì gh’é restâ chì ’l garbüj di platani, l’umbrìa.

II.

Vidüü d’in mezz, ul mar l’ea püssé scür

daa tera in du che adess gh’é lì ’n teatar

sempar vert par l’acqua e ’l vent e i besti,

e drê ’l palchscénich gh’é lì tüsa ’n fundâl

un mür da legg scriüü gió ’me i fann i bö

quan’ ca j aran ’na campagna.

III.

Dul santüàri dul Apollo

sa ved ammó ’l prufil

in daa tera bianca ’me farina

in dua pastüra pü né bèr né bö,

ma sül coll sa sent ul fiâ dul su

che al mes d’agust, a mesdì, al smalta l’aria

e tri tudesch in fila contra ’l ciel.

Da robb grand che chiscì gh’é bon da vìv

gh’é dumâ i piant da uliv.

I – Dio l’ha chiavata qui, sotto un platano; / poi lei è corsa via, lontano dal sole, / a nord. A quel tempo una storia, / un continente, nasceva così, / e qui è rimasto il groviglio dei platani, l’ombra. // II – Visto da in mezzo, il mare era più scuro / della terra dove adesso c’è un teatro / sempre aperto per acqua e vento e animali / e lungo il palcoscenico a mo’ di fondale / sta un muro di leggi scritte come fanno i buoi / quando arano un campo. // III – Del tempio di Apollo / si vede ancora il profilo / nella terra bianca come farina / dove non pascolano più né pecore né buoi, / ma sul collo si sente il fiato del sole / che in agosto a mezzogiorno smalta l’aria / e tre tedeschi in fila contro il cielo. / Qui di grande riescono a vivere / soltanto gli ulivi.